आंतरराष्ट्रीय चित्रपट महोत्सव (MUBI हे अॅप )

आंतरराष्ट्रीय चित्रपट महोत्सव ही जगभरातील उत्तमोत्तम चित्रपट मोठ्या प़डद्यावर पाहण्याची पर्वणी असते. यांतील अनेक चित्रपट तर आपल्याकडे प्रदर्शितही होत नाहीत. नेटफ्लिक्स, प्राईम व्हिडियो, हॉटस्टार आदी भारंभार स्ट्रिमिंग प्लॅटफॉर्म्सवरदेखील (निदान आपल्याकडे तरी) जागतिक चित्रपट खूपच नगण्य आहेत. तिथेही व्यावसायिक फॉर्म्युलेबाज नि भव्यदिव्य चित्रपटांचीच चलती असते. कचरा इतका की चांगले शोधून काढण्यातच दमछाक होते.

या पार्श्वभूमीवर, MUBI हे अॅप ( आता त्याची स्ट्रिमिंग सर्व्हीसही उपलब्ध आहे) मला कायमच महत्त्वाचे वाटत आले आहे. इथे पसारा नसतोच. अवघे तीसच चित्रपट. दर दिवशी एका नवीन चित्रपटाची त्यात भर पडते नि एक चित्रपट त्यातून वजा होतो. पण हे सगळे चित्रपट जगभरातले. विविध देश, भाषा, संस्कृती, शैली व प्रवाहांतले. बहुतेक सगळे चित्रपट महोत्सवांत गाजलेले. नेमके, वेचून, टिपून आयते आणलेले. त्यात १९१२ चीही एखादी दुर्मीळ चित्रफित असते नि अलीकडचा २०१८ च्या बर्लिन, कान, व्हेनिस...चित्रपट महेत्सवांत गाजलेला ताजा दमदार चित्रपटही असतो.

चित्रपट महोत्सवांत असतात तसेच विभाग इथेही असतात. दिग्दर्शक, देश, शैली..यांचे चित्रपट सलग उपलब्ध होतात. त्यावरचे विश्लेषणही असते.

फापटपसारा टाळून फक्त उत्तमच पहायचे असेल, तर माझ्या पाहण्यात तरी हाच उत्तम मंच आहे.

या मंचावर आता जागतिक सिनेमाच्या जोडीला भारतीय चित्रपटांचा स्वतंत्र विभागही सुरू केलाय.

HIGHLY RECOMMENDED
please click here to watch streaming
https://mubi.com/